Maʼlumki, buyuk ajdodimiz, shoh va shoir Zahiriddin Muhammad Bobur hazratlari o‘zining ilmiy salohiyati va badiiy asarlari bilan ham mashhurdir. Atoqli yozuvchi Pirimqul Qodirov mazkur tarixiy romanida kitobxonlarga Bobur shaxsiyatini yana-da yaqindan tanishtiradi. Asarda shoir va shoh Bobur hayoti tasvirlangan. Shuningdek, yozuvchi XV asr oxiri va XVI asr boshlarida yuz bergan O‘rta Osiyo, Afg‘oniston, Hindiston tarixidagi muhim voqealarni haqqoniy gavdalantiradi. Milliy gvardiya Xorazm viloyati bo‘yicha boshqarmasida o‘tkazilgan davra suhbatida muddatli harbiy xizmatchilar asarni mutolaa qilish davomida olgan taassurotlari haqida tengdoshlariga so‘zlab berdilar.