Hozirgi kunda xodimlarimizni Vatanga muhabbat, sadoqat, milliy an’analarga hurmat ruhida hamda ularda milliy g‘urur va iftixor tuyg‘ularini shakllantirish orqali ham jismonan ham ma’nan yetuk bo‘lgan vatanparvar xodimlar shakllanishi muhim ahamiyatga ega. Shu maqsadda Milliy gvardiya Farg‘ona mintaqaviy o‘quv markazi tinglovchilari Farg‘ona shahrida joylashgan “Farg‘ona viloyati tarixiy madaniyat davlat muzeyi”ga sayohat tashkil etildi. Sayohat davomida tinglovchilarga Farg‘ona shahri tarixi haqida batafsil ma’lumotlar berildi. Bu esa o‘z navbatida tinglovchilarda o‘zlari xizmat qilayotgan va yashab turgan hudud naqadar ko‘hna ekanligi va u yerdagi topilmalarni ko‘rish orqali ajdodlari naqadar mehnatkash insonlar bo‘lganligi bilan faxr va g‘urur tuyg‘usi shakllanishiga turtki bo’ldi.
