Milliy gvardiya Jizzax viloyati bo‘yicha boshqarmasida Milliy gvardiya saflarida xizmat qilishga yangi kelgan harbiy xizmatchilarning Vatanga va Milliy gvardiyaga xizmat qilish to‘g‘risidagi qasamyodi marosimi tantanali ravishda tashkil etildi.  Tantanali qasamyod marosimida harbiy xizmatchilar o‘zlariga berilgan imkoniyatlardan foydalanib Vatan va o‘zbek xalqi oldidagi burchini sidqidildan, vijdonan, or-nomus ila bajarishga, Vatan sarhadlarini, uning tinchligini va fuqarolar xavfsizligini ta‘minlashga jangovar bayroq oldida tantanali qasamyod qabul qildilar.