Xalqaro bolalarni himoya qilish kuni munosabati bilan Milliy gvardiya Ma`naviyat va ma`rifat markaziga harbiy xizmatchilar va xodimlarning farzandlari, xizmat burchini o`tash chog`ida halok bo`lgan xizmatchilarning oilalari, Toshkentdagi oilaviy bolalar uylari, shuningdek, faxriylar nabiralari bilan mehmonga taklif etildi.
Tadbirda ko`plab yosh tomoshabinlar uchun O`zbek Milliy qo`g`irchoq teatri spektakl hamda O`zbekiston davlat filarmoniyasining "Bulbulcha" bolalar xor va raqs ansambli tomonidan "Biz bolalarmiz" nomli konsert dasturi namoyish etildi.
Qo`g`irchoq teatrining "Quvnoq shou" spektakli milliy an`ana va urf-odatlarimiz, qadimdan sharq bozorlarida namoyish etilayotgan teatrlashtirilgan tomoshalar haqida hikoya qildi. Uchta asosiy qahramon - buffonlar raqsga tushib, qo`shiq aytishdi va jajji bolajonlarni xursand qilishdi.
Bayram davomida bolajonlar shodon kulishdi va xursandchilik bilan qarsak chalib, raqsga tushdi. Yorqin konsert dasturi yosh tomoshabinlarga katta taassurot va ko`tarinki kayfiyat bag`ishladi. 

Байрам давомида болажонлар шодон кулишди ва хурсандчилик билан қарсак чалиб, рақсга тушди. Ёрқин концерт дастури ёш томошабинларга катта таассурот ва кўтаринки кайфият бағишлади.