Mudofaa vazirligiga qarashli Toshkent shahrining Mirzo Ulug‘bek tumanida joylashgan harbiy qismda harbiy vatanparvarlik tadbiri bo‘lib o‘tdi. Tadbirda Milliy gvardiya Toshkent viloyati Qo‘riqlash boshqarmasi va harbiy qism rahbariyati va askarlar, Temurbeklar maktabi o‘quvchilari, Milliy gvardiya ixtisoslashtirilgan sinf o‘quvchilari hamda Toshkent viloyati Qo‘riqlash boshqarmasining hududiy bo‘limlariga biriktirilgan Prezident maktabi va ixtisoslashtirilgan maktablarning CHKBT o‘qituvchilari ishtirok etishdi. Tadbir davomida rahbar va yoshlar uchrashuvi, sport musobaqalari, ko‘rgazmali chiqishlar, jangovar qurollar va harbiy anjomlar ko‘rgazmalari, shuningdek Milliy gvardiya Qo‘riqlash bosh boshqarmasi ansamblining Vatanni madh etuvchi qo‘shiqlari namoyish etildi. Tadbir yakunida musobaqa g‘oliblari Harbiy qism hamda Toshkent viloyati Qo‘riqlash boshqarmasi rahbariyati tomonidan sovg‘alar bilan taqdirlandilar.