Joriy yilning 1-noyabr kuni O‘zbekiston yozuvchilar uyushmasi bilan hamkorlikda Milliy gvardiyaning Toshkent viloyatida joylashgan harbiy qismda shaxsiy tarkibni ma’naviy olamini boyitish hamda harbiy xizmatchilarning Vatanga muhabbat va sadoqat tuyg‘ularini yanada mustahkamlash, ularning dunyoqarashini kengaytirish maqsadida O‘zbekiston Respublikasi Prezidenti Shavkat Mirziyoyevning “Yoshlar bilan ishlashni samarali tashkil etishda madaniyat, san’at, sport, axborot texnologiyalari, kitob o‘qishga qiziqishini oshirish bo‘yicha 5 (besh) ta muhim tashabbusi”ning 4-bandi Aholi, ayniqsa, yoshlar ma’naviyatini yuksaltirish, ular o‘rtasida kitobxonlikni keng targ‘ib qilish maqsadida “Kitob karvoni” o‘tkazildi. 

Mazkur kitob karvonida O‘zbekiston yozuvchilar uyushmasi tomonidan harbiy xizmatchilarga 400 (to‘rt yuz) dona har xil turdagi badiiy, she’riy, siyosiy adabiyotlar jamlanmasi olib kelindi.