Jizzax viloyatida "Yosh gvardiyachilar" sinflarining "Va’da berish" marosimi tantanali ravishda o‘tkazildi..
Jizzax shahridagi Sharof Rashidov Memorial va Yodgorlik majmuasi maydonida "Yosh gvardiyachilar" sinflarining "Va’da berish" marosimi tantanali ravishda o‘tkazildi. Tantanali tadbirda Milliy gvardiya Jizzax viloyati bo'yicha boshqarmasi boshlig'i L.Y.Yaxshilikov, harbiy xizmatchilar, faxriylar, ustoz murabbiylar hamda ota-onalar ishtirok etdi.
Marosimda Yangi O'zbekistonimizga munosib farzand bo‘lish, o‘qishda, sportda va axloq-odobda o‘rnak bo‘lish, buyuk sarkarda va davlat arbobi sifatida tarixda qolgan ajdodlar singari vatanparvar bo‘lishga, ona-Vatani, xalqi va Prezidentga sidqidildan xizmat qilishga vaʼda berayotgan o‘quvchilarning baralla yangragan ovozi, vaʼda berish marosimini kuzatib turgan ota-onalarning qalbini to‘lqinlantirib ko‘zlaridan shodlik yoshlari sizib chiqishiga sabab bo‘ldi.
Tantanali tadbir davomida Milliy gvardiya Jizzax viloyati bo'yicha boshqarmasi ko‘rgazmali-harbiy orkestri, harbiy musiqa akademik-litseyi o‘quvchilarining hamda harbiy xizmatchilarning jangovar ko‘rgazmali chiqishlari tadbirga o'zgacha shukuh bag'ishladi.
Bu kabi tadbirlar respublikamizning boshqa hududlarida ham o’tkazildi.
Bo`lishmoq:
