O‘zbekiston Respublikasi Prezidentining “O‘zbekiston Respublikasi Qurolli Kuchlari tashkil etilganligining 33-yilligi va Vatan himoyachilari kuni bayramiga tayyorgarlik ko‘rish va uni yuqori saviyada o‘tkazish to‘g‘risida”gi farmoyishi ijrosini ta’minlash maqsadida “Zakovat” klubi hamda Jamoat xavfsizligi universiteti hamkorligida Milliy gvardiya bo‘linmalari harbiy xizmatchi va xodimlari o‘rtasida “Zakovat” o‘yini o‘tkazildi. Musobaqada 40 dan ortiq jamoalar g‘oliblik uchun o‘zaro bellashdi. Murosasiz va qizg‘in kechgan o‘yin yakuniga ko‘ra quyidagi jamoalar sovrinli o‘rinlarni egalladi:

1-o‘rin: Jamoat xavfsizligi universiteti ofitserlarining “Favorit” jamoasi
2-o‘rin: “Qalqon” brigadasining “Femida” jamoasi
3-o‘rin: Jamoat xavfsizligi universiteti kursantlarining “The Best” jamoasi

G‘oliblar diplom, medal va qimmatbaho sovg‘alar bilan taqdirlandi.

O‘yinda 1-o‘rinni egallagan “Favorit” jamoasiga turnirning ko‘chma kubogi tantanali ravishda topshirildi.