Ўзбекистон Республикаси Президентининг “Ўзбекистон Республикаси Қуролли Кучлари ташкил этилганлигининг 33 йиллиги ва Ватан ҳимоячилари куни байрамига тайёргарлик кўриш ва уни юқори савияда ўтказиш тўғрисида”ги фармойиши ижросини таъминлаш мақсадида «Заковат» клуби ҳамда Жамоат хавфсизлиги университети ҳамкорлигида Миллий гвардия бўлинмалари ҳарбий хизматчи ва ходимлари ўртасида «Заковат» ўйини ўтказилди. Мусобақада 40 дан ортиқ жамоалар ғолиблик учун ўзаро беллашди. Муросасиз ва қизғин кечган ўйин якунига кўра қуйидаги жамоалар совринли ўринларни эгаллади:

1-ўрин: Жамоат хавфсизлиги университети офицерларининг «Фаворит» жамоаси
2-ўрин: «Қалқон» бригадасининг «Фемида» жамоаси
3-ўрин: Жамоат хавфсизлиги университети курсантларининг “Тҳе Бест” жамоаси

Ғолиблар диплом, медаль ва қимматбаҳо совғалар билан тақдирланди.

Ўйинда 1-ўринни эгаллаган «Фаворит» жамоасига турнирнинг кўчма кубоги тантанали равишда топширилди.