Xabaringiz bor, respublikamiz boʻylab “Yashil makon” loyihasining kuzgi mavsumiga start berilib, hududlarda koʻchat ekish tadbirlari amalga oshirilmoqda.
Jumladan, Fargʻona viloyati "Qoʻriqlash" boshqarmasi xodimlari ham ushbu tadbirlarda faol qatnashib, joylarda yashil bogʻlar yaratilmoqda. Xodimlar tomonidan belgilangan hududlarda ushbu jarayon uzluksiz tashkil etilib, Fargʻona "Ekoshahar" hududida 200 dan ortiq dub, kashtan, akatsiya, chinor singari manzarali daraxtlar nihollari, shuningdek, suvsizlikka chidamli, iqlimga mos boʻlgan qayragʻoch, bodom kabi koʻchatlarni ekish ishlari jadal olib borilmoqda.
Ushbu saʼy-harakatlardan koʻzlangan asosiy maqsad, xalqimizga xos ezgu fazilatlarni qadrlash, ezgulikni yoshlar qalbiga singdirish, koʻcha va mahallalarini yanada koʻrkam koʻrinishga keltirish, tabiatda yashillikni koʻpaytirish, ob-havoning tozaligi, iqlim mo‘tadilligini saqlashga hissa qoʻshishdir.