Mamlakatimizda shaxs, jamiyat va davlatga tegishli obyektlarni, jismoniy va yuridik shaxslarni mol-mulklarini ishonchli qoʻriqlashni takomillashtirish uchun zarur shart-sharoitlarni yaratish shuningdek, ӮOʻzbekiston Respublikasi Milliy gvardiyasi Qoʻriqlash bosh boshqarmasi faoliyatini samarali tashkil etish maqsadida xodimlarning kasbiy mahoratlari oshirilib kelinmoqda.

Xususan, Milliy gvardiya Qoraqalpogʻiston Respublikasi mintaqaviy oʻquv markazida oʻquv rejasi va dasturi asosida malaka oshirayotgan xodimlar bilan Qoʻriqlash boshqarmasida joylashgan Monitoring markazida amaliy mashgʻulotlar tashkillashtirildi.

Bundan tashqari tinglovchilarning boʻsh vaqtlarini mazmunli tashkil etish, Vatanga sadoqat va vatanparvarlik tuygʻularini yanada oshirish maqsadida Nukus shahridagi I.V.Savitskiy nomidagi Davlat sanʼat muzeyiga ekskursiya tashkil etildi. Xodimlar muzeyda joylashgan turli xil mavzudagi eksponatlar bilan tanishib, xalqimizning boy madaniy tarixi haqida koʻplab maʼlumotlarga ega boʻlishdi.