Samarqand viloyati Yoshlar ittifoqi tomonidan harbiy xizmatchilar vaxodimlar oʻrtasidagi intellektual va sport musobaqalariga alohida eʼtibor qaratilib kelinadi. Ana shunday qiziqarli “Munozara” intellektual oʻyinining navbatdagi sonida Milliy gvardiya Samarqand viloyati boʻyicha boshqarmasi hamda viloyat ichki ishlar boshqarmasi jamoalari oʻzaro bellashdilar. Ushbu turnirda qatnashgan jamoalar oʻzlarining professional intellektual salohiyatini namoyish etishdi.

Musobaqalar davomida jamoalar bir-birlari bilan doʻstona bellashib, oʻzaro tajriba almashishdi va professional hamkorlikni mustahkamlash va harbiy va huquqni muhofaza qilish sohasidagi bilim va koʻnikmalarni ham sinovdan oʻtkazish imkonini berdi.

Bunday tadbirlar, nafaqat ishtirokchilarni ruhiy va jismoniy jihatdan shakllantiradi, balki ular orasida kuchli hamjihatlik va raqobatbardoshlikni rivojlantiradi. Bu esa, oʻz navbatida, har ikki jamoaning samarali faoliyat yuritishi uchun muhim omil hisoblanadi.