Katta hayot ostonasida turgan yoshlar uchun harbiy sohaga qiziqishni oshirish va ularga kasb tanlash jarayonida to‘g‘ri yo‘l ko‘rsatish muhim ahamiyatga ega. Shu maqsadda, Namangan shahridagi 1-sonli ixtisoslashtirilgan maktab o‘quvchilari uchun Namangan viloyati Qo‘riqlash boshqarmasi tomonidan "Ochiq eshiklar kuni" tadbiri tashkil etildi.

O‘quvchilar Qo‘riqlash boshqarmasi xodimlarining kundalik faoliyatini kuzatib, ularning xizmat sharoitlari va o‘z kasbiy ko‘nikmalarini oshirish uchun yaratilgan imkoniyatlar bilan tanishdilar.

Tadbir davomida o‘quvchilarga mutaxassis xodimlar tomonidan batafsil maʼlumotlar berildi va ularni qiziqtirgan savollarga to‘liq javoblar taqdim etildi. Bu kabi tadbirlardan maqsad — yoshlarni Vatanni himoya qilishdek sharafli va masʼuliyatli kasbning mohiyati bilan yaqindan tanishtirish va ularda harbiy sohaga bo‘lgan qiziqishni oshirishdan iborat.