Mustaqilligimizning 34 yillik tantanalari arafasida milliy armiyamiz va Qurolli Kuchlarimiz salohiyati bilan yoshlarni tanishtirish maqsadida Milliy gvardiyaga tegishli harbiy qismda "Vatan uchun, millat uchun, xalq uchun!" shiori ostida "Ochiq eshiklar kuni" tashkil etildi.

Viloyat Yoshlar ishlari agentligi, O'zbekiston yoshlar ittifoqi Andijon viloyat Kengashi hamda O'zbekiston bolalar tashkiloti viloyat bo'limi tomonidan o'tkazilgan tadbirda yoshlar harbiy qismdagi shart-sharoitlar, harbiy texnikalar, qurol-aslahalar bilan yaqindan tanishdilar. Shuningdek, tashkil etilgan amaliy mashg'ulotlar ham yoshlarda katta taassurot qoldirdi.