Мустақиллигимизнинг 34 йиллик тантаналари арафасида миллий армиямиз ва Қуролли Кучларимиз салоҳияти билан ёшларни таништириш мақсадида Миллий гвардияга тегишли ҳарбий қисмда "Ватан учун, миллат учун, халқ учун!" шиори остида "Очиқ эшиклар куни" ташкил этилди.

Вилоят Ёшлар ишлари агентлиги, Ўзбекистон ёшлар иттифоқи Андижон вилоят Кенгаши ҳамда Ўзбекистон болалар ташкилоти вилоят бўлими томонидан ўтказилган тадбирда ёшлар ҳарбий қисмдаги шарт-шароитлар, ҳарбий техникалар, қурол-аслаҳалар билан яқиндан танишдилар. Шунингдек, ташкил этилган амалий машғулотлар ҳам ёшларда катта таассурот қолдирди.