Milliy gvardiya Sirdaryo viloyati boʻyicha boshqarmasi tashabbusi bilan Respublika oʻgʻil bolalar oʻquv-tarbiya muassasasi tarbiyalanuvchilarining kuzgi taʼtil vaqtlarini mazmunli tashkil etish maqsadida Jizzax shahridagi "Sharof Rashidov" memorial va yodgorlik muzeyiga ekskursiya uyushtirildi.

Tarbiyalanuvchilar muzeyda Sharof Rashidov hayoti va faoliyati haqidagi ekspozitsiyalari, shaxsiy buyumlari va sovgʻalari, oila aʼzolari va hamkasblari bilan birga tushgan suratlari hamda kitoblari bilan yaqindan tanishdilar.

Shuningdek, sayohat davomida tarbiyalanuvchilar "Hamid Olimjon va Zulfiyaxonim" muzeyiga ham tashrif buyurishib, u yerda muzey mutaxassislari tomonidan muzey tarixi to‘g‘risida tushunchalar berib o‘tildi.