Миллий гвардия Сирдарё вилояти бўйича бошқармаси ташаббуси билан Республика ўғил болалар ўқув-тарбия муассасаси тарбияланувчиларининг кузги таътил вақтларини мазмунли ташкил этиш мақсадида Жиззах шаҳридаги "Шароф Рашидов" мемориал ва ёдгорлик музейига экскурция уюштирилди.

Тарбияланувчилар музейда Шароф Рашидов ҳаёти ва фаолияти ҳақидаги экспозициялари, шахсий буюмлари ва совғалари, оила аъзолари ва ҳамкасблари билан бирга тушган суратлари ҳамда китоблари билан яқиндан танишдилар.

Шунингдек, саёҳат давомида тарбияланувчилар "Ҳамид Олимжон ва Зулфияхоним" музейига ҳам ташриф буюришиб, у ерда музей мутахассислари томонидан музей тарихи тўғрисида тушунчалар бериб ўтилди.