Joriy yilning 29 oktabr kuni Milliy gvardiya Jizzax mintaqaviy o‘quv markazida Dashtobot bolalar va o‘smirlar sport maktabi bilan hamkorlikda sportning Taekwondo WTF turi bo‘yicha markaz boshlig‘i kubogi musobaqasi o‘tkazildi.

Musobaqa Milliy gvardiya Jizzax mintaqaviy o‘quv markazi xodimlarining farzandlari, mahalla yoshlari hamda Dashtobot bolalar va o‘smirlar sport maktabi sportchilari ishtirokida o‘tkazildi. Musobaqa juda qizg‘in tarzda tashkillashtirilib hakamlar hay’ati tomonidan haqqoniy baholab borildi.

Chempionatda ishtirok etgan sportchi yoshlar markaz boshlig‘ining diplom, medal hamda esdalik sovg‘alari bilan taqdirlandilar.