Жорий йилнинг 29 октябрь куни Миллий гвардия Жиззах минтақавий ўқув марказида Даштобот болалар ва ўсмирлар спорт мактаби билан ҳамкорликда спортнинг Таэквондо ВТФ тури бўйича марказ бошлиғи кубоги мусобақаси ўтказилди.

Мусобақа Миллий гвардия Жиззах минтақавий ўқув маркази ходимларининг фарзандлари, маҳалла ёшлари ҳамда Даштобот болалар ва ўсмирлар спорт мактаби спортчилари иштирокида ўтказилди. Мусобақа жуда қизғин тарзда ташкиллаштирилиб ҳакамлар ҳайъати томонидан ҳаққоний баҳолаб борилди.

Чемпионатда иштирок этган спортчи ёшлар марказ бошлиғининг диплом, медаль ҳамда эсдалик совғалари билан тақдирландилар.