Uchquduq tuman Milliy gvardiya inspektor-psixologlari tomonidan tumandagi umumta'lim maktab o'quvchilarini vatanparvarlik ruhida tarbiyalash maqsadida harbiy qismda hamkor tashkilotlar bilan vatanparvarlik tadbiri o'tkazildi.

Shuningdek, Uchquduq tuman MMTBga qarashli umumta’lim maktablarda Respublika Ma’naviyat va ma’rifat markazi tomonidan chop etilgan “Men ham harbiy bo‘laman” kitob-albomining taqdimoti bo‘lib o‘tdi.

Taqdimotda tuman Ma’naviyat va ma’rifat bo‘linmasi rahbari, tuman Mudofaa ishlari bo‘limining, tuman Milliy gvardiya inspektor-psixologlari, bir guruh harbiy askarlar hamda umumta’lim maktablaridagi o‘quvchilari ishtirok etdi. Tadbirda so‘z olganlar mazkur kitobning yaratilish tarixi, ahamiyati, unda jamlangan ma’lumotlar haqida fikr-mulohazalar bildirdilar. Mazkur kitobda tarixiy ajdodlar ko‘rsatgan jasoratlari yangi vizual tasavvur ulashishi uchun boy tarixiy ma’lumotlar va suratlar aks ettirilgan.