Учқудуқ туман Миллий гвардия инспектор-психологлари томонидан тумандаги умумтаълим мактаб ўқувчиларини ватанпарварлик руҳида тарбиялаш мақсадида ҳарбий қисмда ҳамкор ташкилотлар билан ватанпарварлик тадбири ўтказилди.

Шунингдек, Учқудуқ туман ММТБга қарашли умумтаълим мактабларда Республика Маънавият ва маърифат маркази томонидан чоп этилган “Мен ҳам ҳарбий бўламан” китоб-альбомининг тақдимоти бўлиб ўтди.

Тақдимотда туман Маънавият ва маърифат бўлинмаси раҳбари, туман Мудофаа ишлари бўлимининг, туман Миллий гвардия инспектор-психологлари, бир гуруҳ ҳарбий аскарлар ҳамда умумтаълим мактабларидаги ўқувчилари иштирок этди. Тадбирда сўз олганлар мазкур китобнинг яратилиш тарихи, аҳамияти, унда жамланган маълумотлар ҳақида фикр-мулоҳазалар билдирдилар. Мазкур китобда тарихий аждодлар кўрсатган жасоратлари янги визуал тасаввур улашиши учун бой тарихий маълумотлар ва суратлар акс эттирилган.