Urganch shahridagi olimpiya va paralimpiya sport turlariga tayyorlash markazida Milliy gvardiya Xorazm viloyati “Qo‘riqlash” boshqarmasi tashabbusi bilan sportning “Kamondan otish” turi bo‘yicha zaif eshituvchi bolalar o‘rtasida musobaqa o‘tkazildi.  

Bu tadbir, sportning paralimpiya yo‘nalishlarini rivojlantirish va kamondan otish kabi milliy sport turlariga qiziqishni oshirishda muhim qadam bo‘lib, o‘quvchilarning jismoniy holatini yaxshilashga katta hissa qo‘shadi.

Respublikamiz bo‘ylab kamondan otish turini ommalashtirish va yoshlarni sportga jalb qilish borasida bir qancha musobaqalar va maxorat darslari tashkil etilmoqda. Bu tadbirlar, eng avvalo, sportning ushbu turi bo‘yicha iqtidorli yoshlarni aniqlash va ularni olimpiya o‘yinlari kabi katta miqyosdagi musobaqalarga tayyorlash uchun katta ahamiyatga ega.

Urganch shahrida o‘tkazilgan musobaqada esa, alohida taʼlim oluvchi zaif eshituvchi bolalar uchun ixtisoslashtirilgan maktab internati o‘quvchilari ishtirok etishdi. 

O‘tkazilgan tadbir natijalariga ko‘ra g‘olib bo‘lgan ishtirokchilar hamda faol qatnashgan yoshlar Qo‘riqlash boshqarmasi boshlig‘ining diplom, medal hamda esdalik sovg‘alari bilan taqdirlandilar.