Kitobxonlik kuni doirasida markazda tahsil olayotgan tinglovchilar bilan “Vatanni sevmoq iymondandur” mavzusida insholar tanlovi o‘tkazildi. Ushbu tanlovda tinglovchilarning ona Vatanni nechog‘lik sevishlari, uni ko‘z qorachig‘idek asrab avaylamoqliklari va shu Vatan uchun ko‘ksini qalqon qilishga shay ekanliklarini o‘z dunyo qarashlari bilan ifodalashlari talab etildi.

Tanlov g‘oliblari markazning malakali o‘qituvchilari tomonidan tinglovchilarning yozgan insholariga bergan 10 ballik baholash mezoni bo‘yicha aniqlanib, unda ishtirok etgan tinglovchilar orasida faxrli 3-o‘rinni 2-vzvod tinglovchisi Ergashev Asadbek Rustam o‘g‘li, faxrli 2-o‘rinni 2-vzvod tinglovchisi Berdiyev Bilolbek G‘olib o‘g‘li va faxrli 1-o‘rinni 3-vzvod tinglovchisi Nasrullayev Shaxzodjon Ikrom o‘g‘li egalladilar. Tanlov g‘oliblariga markaz boshlig‘ining faxriy yorliq va esdalik sovg‘alari tantanali tarzda topshirildi.