Китобхонлик куни доирасида марказда таҳсил олаётган тингловчилар билан “Ватанни севмоқ иймондандур” мавзусида иншолар танлови ўтказилди. Ушбу танловда тингловчиларнинг она Ватанни нечоғлик севишлари, уни кўз қорачиғидек асраб авайламоқликлари ва шу Ватан учун кўксини қалқон қилишга шай эканликларини ўз дунё қарашлари билан ифодалашлари талаб этилди.

Танлов ғолиблари марказнинг малакали ўқитувчилари томонидан тингловчиларнинг ёзган иншоларига берган 10 баллик баҳолаш мезони бўйича аниқланиб, унда иштирок этган тингловчилар орасида фахрли 3-ўринни 2-взвод тингловчиси Эргашев Асадбек Рустам ўғли, фахрли 2-ўринни 2-взвод тингловчиси Бердиев Билолбек Ғолиб ўғли ва фахрли 1-ўринни 3-взвод тингловчиси Насруллаев Шахзоджон Икром ўғли эгалладилар. Танлов ғолибларига марказ бошлиғининг фахрий ёрлиқ ва эсдалик совғалари тантанали тарзда топширилди.