Milliy gvardiya Toshkent viloyati bo‘yicha boshqarmasi tomonidan Chirchiq shahridagi 15-IDUM ga marhum kapitan Vasilyev Ravil Rashidovich tavallud kuni munosabati bilan uning haykali poyiga harbiy xizmatchilar va maktab oʻquvchilari ishtirokida gulchambarlar qo‘yildi. Maktabning jasorat burchagida yurtimiz uchun oʻz jonini fido qilgan harbiylar hayoti haqida maʼlumotlar berildi. 

Bundan tashqari oʻquvchilarga jasorat darslari oʻtilib, Vatanga bo‘lgan sadoqat, jamiyatda yetuk shaxs bo‘lib kamol topish bo‘yicha tushunchalar berildi. Mazkur uchrashuv so‘ngida maktab kutubxonasida oʻquvchilar bilan “Men sevib o‘qigan kitob” mavzusida davra suhbati oʻtkazildi. Yoshlarning kitoblarga boʻlgan qiziqishlari va Vatanga boʻlgan muhabbati yanada oshdi.