Миллий гвардия Тошкент вилояти бўйича бошқармаси томонидан Чирчиқ шаҳридаги 15-ИДУМ га марҳум капитан Василев Равил Рашидович таваллуд куни муносабати билан унинг ҳайкали пойига ҳарбий хизматчилар ва мактаб ўқувчилари иштирокида гулчамбарлар қўйилди. Мактабнинг жасорат бурчагида юртимиз учун ўз жонини фидо қилган ҳарбийлар ҳаёти ҳақида маълумотлар берилди. 

Бундан ташқари ўқувчиларга жасорат дарслари ўтилиб, Ватанга бўлган садоқат, жамиятда етук шахс бўлиб камол топиш бўйича тушунчалар берилди. Мазкур учрашув сўнгида мактаб кутубхонасида ўқувчилар билан “Мен севиб ўқиган китоб” мавзусида давра суҳбати ўтказилди. Ёшларнинг китобларга бўлган қизиқишлари ва Ватанга бўлган муҳаббати янада ошди.