O‘zbekiston yoshlar ittifoqi Toshkent viloyati Kengashi, viloyat Favqulotda vaziyatlar boshqarmasi, Milliy gvardiya Toshkent viloyati bo‘yicha boshqarmasi hamda Zangiota tumani axborot xizmatlari markazi bilan hamkorlikda, 24-sonli tarbiya kolloniyasida jazo muddatini o‘tayotgan yosh mahkumlar bilan “Zakovat – aql xazinasi” intellektual o‘yini o‘tkazildi.

Mazkur intellektual oʻyinni tashkil etishdan asosiy maqsad – yoshlarning salohiyatini oshirish, ularning bo‘sh vaqtini mazmunli tashkil qilish, kitobxonlikka bo‘lgan qiziqishlarini yanada rivojlantirish hamda jamoalar o‘rtasida sog‘lom raqobatni yanada oshirishdan iboratdir.

“Zakovat – aql xazinasi” intellektual o‘yinida 115 nafar yosh mahkum ishtirok etdi. Mazkur bellashuvda qatnashchilar turli shartlar boʻyicha oʻzaro aqliy bilimlarini sinovdan oʻtkazishdi. Oʻyin yakunida gʻolib boʻlganlarga tashkilotchilar tomonidan esdalik sovgʻalari topshirildi.