Ўзбекистон ёшлар иттифоқи Тошкент вилояти Кенгаши, вилоят Фавқулотда вазиятлар бошқармаси, Миллий гвардия Тошкент вилояти бўйича бошқармаси ҳамда Зангиота тумани ахборот хизматлари маркази билан ҳамкорликда, 24-сонли тарбия коллониясида жазо муддатини ўтаётган ёш маҳкумлар билан “Заковат – ақл хазинаси” интеллектуал ўйини ўтказилди.

Мазкур интеллектуал ўйинни ташкил этишдан асосий мақсад – ёшларнинг салоҳиятини ошириш, уларнинг бўш вақтини мазмунли ташкил қилиш, китобхонликка бўлган қизиқишларини янада ривожлантириш ҳамда жамоалар ўртасида соғлом рақобатни янада оширишдан иборатдир.

“Заковат – ақл хазинаси” интеллектуал ўйинида 115 нафар ёш маҳкум иштирок этди. Мазкур беллашувда қатнашчилар турли шартлар бўйича ўзаро ақлий билимларини синовдан ўтказишди. Ўйин якунида ғолиб бўлганларга ташкилотчилар томонидан эсдалик совғалари топширилди.