Bugungi kunda ta'lim tizimini xususan, oliy ta'lim tizimini takomillashtirish va zamon bilan hamnafas tarzda rivojlantirib borish davlatimizning bosh islohotiga aylangan.

Ushbu islohotlar doirasida 2024-yil 4-oktabr sanasida Oʻzbekiston Respublikasi Milliy gvardiyasi Farg'ona mintaqaviy o'quv markazida Respublikamizning bir qator yetakchi oliy ta’lim muassasalari va Farg‘ona viloyati xokimligi huzuridagi raqamli texnologiyalar markazining mutasaddi xodimlari ishtirokida "Ilm-fan va ta'limning innovatsion rivojlanishi: hozirgi holati va taraqqiyot tamoyillari" mavzusida ilmiy-amaliy anjuman o'tkazildi.

So'zga chiqqanlar tomonidan anjumanning maqsad va vazifalariga to‘xtalib, mamlakatimiz ilm-fani oldida turgan ustuvor yo‘nalishlar, hozirgi globallashuv davrida innovatsion rivojlanish tendensiyalarini amaliyotga tatbiq etish masalalari, bu borada milliy va xalqaro tajribaning o‘ziga xos jihatlariga e’tibor qaratdi.