Янги йил байрами Миллий гвардия Бухоро вилояти бўйича бошқармаси ва Қўриқлаш бошқармаси ҳарбий хизматчи, ходимлари ва уларнинг оила аъзолари учун ҳам кўтаринки руҳда ўтказилмоқда.

Айни кунларда юртимизда янги йил шукуҳи кезмоқда. Айниқса, болажонларнинг юз-кўзидан буни яққол кўриш мумкин.
  Бу йилги Янги йил байрами ҳам Миллий гвардия Бухоро вилояти бўйича бошқармаси ва Қўриқлаш бошқармаси ҳарбий хизматчи (ходим)лари ва уларнинг оила аъзолари учун ҳам кўтаринки руҳда ўтказилмоқда.

  Янги йил байрами муносабати билан ҳарбий хизматчи (ходим)лар ва уларнинг оила аъзоларини маданий ҳордиқ олиши, миллий ғурур, ифтихор ва ватанпарварлик туйғуларини ошириш, шунингдек, маънавий эҳтиёжларини қондириш, санъатга бўлган қизиқишларини кучайтириш, театр санъати орқали маънавий ўсишига кўмаклашиш мақсадида, Бухоро вилояти Мусиқали драма театрида "Буратинанинг саргузаштлари" номли спектакль намойиш этилди.

  Дастур давомида болажонлар билан қизиқарли топишмоқлар, шеър ва қўшиқлар куйланди ва болажонлар учун Қорбобо томонидан янги йил совғалари улашилди.