Мамлакатимизда 27 октябрь куни Олий Мажлис Қонунчилик палатаси ва маҳаллий кенгашлар депутатлигига сайловлари бўлиб ўтиши муносабати билан Миллий гвардия Самарқанд вилояти бўйича бошқармасида давра суҳбати бўлиб ўтди.

Тадбирда сўз олганлар ҳарбий хизматчиларга сайлов қонунчилиги, уларнинг ҳуқуқлари ва мажбуриятлари ҳақида маълумотлар бериб, сайлов жараёни ва унинг аҳамияти ҳақида ўз фикрларини билдирдилар.

Давра суҳбати давомида сайлов жараёни, мамлакатимиздаги муҳим сиёсий жараёнда Миллий гвардиянинг вазифалари ҳақида ҳам маълумотлар берилди. Тадбир якунида иштирокчилар ўзларини қизиқтирган саволларига мутахассислар томонидан батафсил жавоблар олдилар.