Юртимиз мустақиллигининг 34 йиллиги муносабати билан Миллий гвардиянинг Андижон вилояти бўйича бошқармасида "Ватан учун, халқ учун, миллат учун!" шиори остида давра суҳбати ташкил этилди.

Мазкур маънавий-маърифий тадбирда таниқли олима, профессор Шермуҳамедова Жамила Тошпўлатовна иштирок этди. Суҳбат давомида миллий қадриятлар, истиқлол ғояси, ёш авлод тарбияси ва ватанпарварлик масалалари юзасидан фикр-мулоҳазалар билдирилди.

Тадбир шахсий таркиб қалбида юртга муҳаббат, фидойилик ва масъулият ҳиссини янада оширишга хизмат қилиб, улар учун чуқур маънавий таассурот қолдирди.

Бундай учрашувлар гвардиячиларнинг ижтимоий-маънавий ҳаётида муҳим ўрин тутиб, уларни Ватанга садоқат руҳида тарбиялашда муҳим аҳамият касб этади.