Бугунги кунда Миллий гвардия ҳарбий хизматчи ва ходимлари билан мактабгача ва мактаб таълими бўлими ходимлари ҳамкорликда юртимизда ёшларни Она Ватанимизнинг содиқ фарзандлари этиб вояга етказиш, уларни ҳарбий ватанпарварлик руҳида тарбиялаш ҳамда ҳарбий соҳага бўлган қизиқишларини ошириш йўлида самарали хизмат қилиб келинмоқда. Шу мақсадда йўлга қўйилган ҳамкорлик натижасида кўплаб ёшларимиз Республикамиз миқёсида ўтказилиб келинаётган турли хил танлов ва мусобақаларда фахрли ўринларни эгаллаб келмоқда. Мана шундай ёшларимизни тарбиялашда ўзларининг беминнат хизматларини кўрсатиб келаётган Қонликул тумани 2-сонли мактабнинг ЧҚБТ фани ўқитувчиси И.Жалелов ҳамда Қўнғирот тумани 37-сонли мактаб директори Р.Эшмуратовлар Ўзбекистон Республикаси Миллий гвардияси Қўмондонининг кўкрак нишон ва эсдалик совғалари билан тақдирландилар.