Жорий йилнинг 15-26 март кунлари Хиндистоннинг Деҳли шаҳрида спортнинг бокс тури бўйича аёллар ўртасида бўлиб ўтган жахон чемпионатида фаол иштирок етиб, бронза медали билан тақдирланганлиги ва шахсий таркибга намуна бўлиб келаётганлиги учун Ўзбекистон Республикаси Миллий гвардияси сафларида хизмат қилаётган спортчилар ва мураббийларни муносиб рағбатлантириш мақсадида Ўзбекистон Республикаси Миллий гвардияси Маънавият ва маърифат марказида тақдирлаш маросими бўлиб ўтди.
Ўзбекистон Республикаси Миллий гвардияси фидойи ходими кўкрак нишони билан: Миллий гвардиянинг Тошкент шахар қўриқлаш бошқармаси сафдор ходимаси - сафдор Хамидова Навбахор Нишон қизи тақдирланди.
Ўзбекистон Республикаси Миллий гвардияси есдалик қўл соати билан: Миллий гвардиянинг ихтисослаштирилган ўқув маркази катта ўқитучиси, Sporting бокс тури бўйича Миллий терма жамоа мураббийи подполковник Расулов Елшод Юнусович тақдирланди.