30 январь – Ўзбекистон Республикасининг Биринчи Президенти Ислом Абдуғаниевич Каримов таваллудининг 87 йиллиги муносабати билан жорий йилнинг 22 январь куни Тошкент шаҳар Қўриқлаш бошқармаси ҳамда ҳудудий туман қўриқлаш бўлимлари ходимлари иштирокида “Ўзбекистон Республикасининг Биринчи Президенти Ислом Каримов номидаги илмий-маърифий мажмуаси”га амалий ташриф ташкил этилди.

Мазкур учрашув давомида ходимлар Ислом Каримовнинг бой мероси, унинг мамлакат мустақиллигини таъминлаш йўлидаги хизматлари ва фаолияти билан яқиндан танишдилар. Шунингдек, ташриф таълимий ва тарбиявий аҳамиятга эга бўлиб, ходимларнинг маънавий-маърифий савиясини оширишга хизмат қилади.