30 январь – Ўзбекистон Республикасининг Биринчи Президенти Ислом Абдуғаниевич Каримов таваллудининг 87 йиллиги муносабати билан Миллий гвардия Тошкент шаҳри бўйича бошқармаси ҳарбий қисм ҳарбий хизматчилари “Ўзбекистон Республикасининг Биринчи Президенти Ислом Каримов номидаги илмий-маърифий мажмуаси”га саёҳат ташкил этилди.

Ҳарбий хизматчилар Ислом Каримовнинг бой мероси, унинг мамлакат мустақиллигини таъминлаш йўлидаги хизматлари ва фаолияти билан яқиндан танишдилар. Шунингдек, ташриф таълимий ва тарбиявий аҳамиятга эга бўлиб, ходимларнинг маънавий-маърифий савиясини оширишга хизмат қилади.