Миллий гвардия Жиззах вилояти бўйича бошқармаси ҳарбий хизматчилар ва уларнинг оила аъзолари билан “Оила психологияси” мавзусида семинар тренинг ташкил этилди. Семинарга Жиззах Давлат педагокика институти малакали мутахассис психологлари ташриф буюриб, ўзларининг билим, малака ва тажрибаларини оилаларга етказиб бердилар. Семинарда оилада ижтимоий-иқтисодий, психологик муаммоларнинг ўзаро муносабатларга таъсири ва уларнинг олдини олиш, фарзанд тарбиясига қаратилган масалаларга тўхталиб ўтилди. Кўтаринки руҳда ташкил этилган семинар савол-жавобларга бой тарзда ўтди. Ҳарбий хизматчиларнинг турмуш ўртоқлари ўзларини қизиқтирган барча саволларга мутахассис психологлардан жавоб олдилар.