Ўзбекистон Республикаси Президентининг тегишли қарорига мувофиқ “Ватан таянчи” отряди аъзоларига кўкрак нишони жорий этилган бўлиб, Хоразм вилоятида ҳам ихтисослаштирилган мактаб ва мактаб интернатларининг бир гуруҳ отряд аъзоларини тақдирлаш маросими бўлиб ўтди.

Тантанали тадбирда Ўзбекистон Республикаси Мудофаа вазирлиги, вилоят Мактабгача ва мактаб таълими бошқармаси, “Ватан таянчи” болалар ва ўсмирлар ҳарбий ватанпарварлик ҳаракати, Миллий гвардия ва бошқа ҳуқуқни муҳофаза қилувчи органлар иштирок этди.

Тадбир якунида ҳарбий оркестр жамоаси, спортчилар ва ҳарбийларнинг кўргазмали чиқишлари ташкил этилди. 

Маълумот учун шуни айтиш керакки, вилоятда 13 та ихтисослаштирилган мактаб ва мактаб интернатларининг 260 нафардан ортиқ ўқувчилари кўкрак нишонини қабул қилиб олдилар.