Миллий гвардия Тошкент вилояти Қўриқлаш бошқармаси томонидан Ўзбекистон Республикаси Қуролли кучларининг 33 йиллиги ҳамда 14 январь “Ватан ҳимоячилари куни” муносабати билан Қибрай туманида жойлашган Миллий тадқиқот ядро университетида “Миллий армиямиз – Янги Ўзбекистон армияси мамлакат таянчи, халқимиз фахри” шиори остида ҳарбий ватанпарварлик тадбири ўтказилди. Тадбирда Миллий гвардия ҳамда Қўриқлаш бош бошқармаси фахрийлари, талабалар, Темурбеклар мактаби ўқувчилари, Қўриқлаш бошқармаси ходимлари иштирок этишди. Тадбир доирасида “ Уч авлод учрашуви”, камондан отиш бўйича маҳорат дарси, Темурбеклар мактаби ўқувчиларининг кўргазмали чиқишлари, ҳамда Миллий гвардия ҳарбий оркестри ва Қўриқлаш бош бошқармаси ансамбли хонандаларининг Ватанни тараннум этувчи куй-қўшиқлари ижро этилди.