Миллий гвардия ҳарбий хизматчилари фарзандлари учун “Янги йил саргузаштлари” саҳналаштирилган бадиий дастури намойиш этилди.
Хусусан, Миллий гвардия қўмондонлиги ташаббуси билан Маънавият ва маърифат марказида тизим ҳарбий хизматчиларининг фарзандлари учун намойиш этилган “Янги йил саргузаштлари” деб номланган саҳналаштирилган бадиий дастур ҳам ёрқин лаҳзаларга бой бўлди.
Иккита сеансда бўлиб ўтган дастур ташриф буюрган мингдан ортиқ болажонларга юқори кайфият тақдим этди. Концертда турли эртак қаҳрамонлари ҳамда ёш ижодкорларнинг чиқишлари, саҳна кўринишлар ва байрамона куй-қўшиқлар, шунингдек, қорбобо ва қорқизнинг иштироки томошабинларда унутилмас таассуротлар қолдирди. Байрам совғалари бўлса, албатта жажжи меҳмонларнинг хурсандчилигига сабаб бўлди.