Миллий гвардия Навоий вилояти бўйича бошқармаси муддатли ҳарбий хизматчиларнинг дам олиш кунларини мазмунли ўтказиш мақсадида ҳарбий қисм ҳудудида шахмат ўйини ташкиллаштирилди. Тадбир давомида муддатли ҳарбий хизматчилар доира, дутор чалиб қўшиқлар ҳиргойи қилиб, дам олиш кунларини мазмунли ўтказдилар.

Миллий гвардия Наманган вилояти бўйича бошқармаси ҳарбий қисмида ҳам муддатли ҳарбий хизматчилар билан Якшанба дам олиш кунини мароқли ўтказиш мақсадида Наманган вилояти Давлатобод туманида жойлашган 1-сонли мусиқа мактабида ташкил этилган кўргазмали тадбирида фаол иштирок этишди. Мазкур тадбир ҳам муддатли ҳарбий хизматчилар онгида жанговар руҳни оширишга тинчлик-хотиржамликнинг қадрига етишга, ҳарбий хизматни сидқидилдан ўташ, доимо виждонли ва мард бўлиш, Ватанимизни кўз қорачиғидек ҳимоя қилишга хизмат қилиши шубҳасиз.