Миллий гвардия Фарғона вилояти бўйича бошқармаси тасарруфидаги вилоят бўйлаб ташкил этилган оилавий болалар уйи тарбияланувчиларининг маданий ҳордиқ чиқаришларини таъминлаш мақсадида бошқарма раҳбарияти томонидан Фарғона шаҳрида жойлашган тарихий музейга саёҳат ташкиллаштирилди.

Саёҳат давомида музейда ташкил этилган тарихий ёдгорликлар, ноёб буюмлар томоша қилинди. Тадбир якунида музейдаги барча экспонатлар, вилоятимиздаги археологик топилмалар бўйича музей ходимлари томонидан тўлиқ маълумотлар айтилиб, уларнинг музейлар ҳақидаги таассуротлари кенгайди. Тарбияланувчиларнинг ўз хоҳишларига асосан ташкиллаштирилган ушбу саёҳат кўтаринки кайфиятда якунланди.